Positivity : Negativity

Guruji ne kaha ki jab negativity sansar mein badti hai toh wo ikkathi ho ke negative logon ke roop mein janam leti hai..eg like osama bin laden, hitler, aurangzeb etc aur jab postivity badti hai toh achi souls janam leti hain jaise kisi Guru ke roop mein ya mother teresa jaise logon ke roop mein jo vishv mein shaanti aur postivity badate hain aur logon ka kalyan karte hain. Achayee aur burayee dono hi is sansar ka niyam hain. Agar hum bure karm karenge ya negative soch rakhenge to hum burai ko janam denge yani hum burai ka beej bo rahe hain aur ye beej aage ja kar humhe hi nuksaan pohochayega. Example ke liye Guruji ne bataya ki aaj kal jaise bohot sare log tantrik aur black magic ka sahara le rahe hain doosron ka bura karne ke liye unhe ye nahi pata ki agar aap kisi ka bura karwate ho to wo negative takat bura karne wale par wapis ayegi hi ayegi kabhi na kabhi aur wo bhi 10 guna multiply ho kar. Agar aapse anjaane mein koi bura karam ho gaya hai to uske liye aapko maafi mil jayegi aur wo karam Guruji kaat denge lekin agar aap jaan boojh kar kisi ka bura maangte ho ya karte ho to uski maafi aapko koi nahi de sakta Guruji bhi nahi. Isliye Guruji sabko positive hone ke liye kehte hain taaki sabki positivity mil kar ek badi positive shakti ban sake aur uske aage negativity tik na paye.
Negativity ko apne vicharon se bhi aur apne ghar se nikalein. Ghar ki negativity aap is tarah door kar sakte ho..
1)Ghar mein kabhi gandgi nahi rehni chahiye...buri cheezein gandgi par hi jaati hain.
2)Ghar mein khushoo honi chahiye badboo nahi...badboo bhi negativity ka sanket hai. Agarbatti dhoop ya koi bhi fragnance positivity ko attract karti hai.
3)Sajawat ke liye khile hue phool rakh sakte hain phoolon ko dekh kar bohot positivity aati hai. 4)Dead animals etc show piece ke liye bilkul nahi rakhein.
5) Pooja ghar ko bilkul saaf rakein.
6)Haryali rakhein yani ped podhe bhi positivity badate hain. Isliye ghar ke andar indoor plants aur ghar ke bahar outdoor plants rakhein.
7) Ghar mein ek ya ho sake to do baar jyot zaroor jalayien. Jyot jalane se bhi negativity bhaag jaati hai.

Ye sab baatein maine kahin padi ya copy nahi ki hain jo Guruji ne mujhe bataya wo sab likh rahi hoon. Jis ghar mein ye sab nahi hai wahan samajh lein ki negativity jyada hai.

Man ki negativity aap is tarah door kar sakte ho:
1) Kisi ka bura mat bolo aur na hi kisi ka bura socho.
2) Gusse ko jald se jald shaant karo usko apne par haavi nahi hone do..Gussa sari positivity khaa jata hai.
3) Apni bimaari ya problem ka rona kisi ke aage mat ro. Agar rona hai to Guruji ke aage ro. Baar baar problems ko discuss karke aap usko aur badhawa dete ho. Problems ko lightly lo aur ignore karna seekho. Problems ko bada mat banao. Jitni jaldi problems ko bhoolne ki koshish karoge utni jaldi problems solve hoti jayengi. Aur sirf Guruji ko yaad karte raho.
4) Doosron ki problems bhi zyada nahi suno. Aap unki negativity le lete ho. Positivity aur negativity dono multiply hoti hain. Aap aapni khushi bantoge to wo multiply hogi aur agar problems bantoge to wo bhi multiply hongi.

Bhool chook maaf
Jai Guruji 🙏