September 2015

Sangat ji aaj main apna ek satsang share kar raha hun aap sab se..
Yeh baat hai September 2015 ki..meri mother ek cosmetic surgery ke liye AIIMS hospital mein admit thi..
Thik unke saamne wale bed par ek ladki thi jisse ki ek bahut hi rare decease thi..uske haath aur pair ke fingers dry ho kar dead ho rahi thi aur black ho rahi thi..aur failti ja rahi thi..
Doctors ko uski surgery karke uske haath aur pair ki fingers ko kaatna tha..taaki wo aur jayeda na bade..
Surgery ke din usse doctors OT le gaye..wahan ja kar doctors ne usse bataya ki wo unki haath aur pair ki fingers ko kaatne wale hai..
Us ladki ne bola ki usse sirf yeh pata tha ki uske sirf haath ki fingers ko kaatna hai...to usne surgery karwane se mana kar diya yeh keh kar ki wo pehle apne husband se discuss karegi baad mein batayegi..
Usse OT se bahar bhej diya doctors ne..
Bahar aa kar usne apni family ka mana kar diya ki wo aise hi reh legi par yeh surgery nahi karwaegi..
Sabhi ne usko bahut samjhaya par wo nahi maani..
Sabhi family ke members bahut pareshaan the aur ro rahe the..
Yeh sab main aur meri aunty baithe dekh rahe the..tabhi main achanak uth kar us ladki ki mother in law ke paas jata hun..unhe apne mobile mein guru ji ka swaroop dikha kar kehta hun ki aunty yeh hamare guru ji hai. .chattarpur mein inka mandir hai. .aap yahan jao..aur wahan par sewa daar se milo..aur unko apni problem bataao..wo aapko Guru ji ki blessings ke liye zarur kuch na kuch denge..aur kaha ki wahan se jal parshaad bhi le aao..aur jo kuch bhi apni bahu ko khane peene ko dete ho usme do char boond jal parshaad ki daal do...
Aur kaha ki Guru ji ke yahan par to last stage ke cancer bhi thik ho jate hai to yeh bimaari to kuch bhi nahi hai..bas vishwaas rakh kar jao...
wo aunty meri baat se convince ho gayi aur kaha ki wo Monday ko din mein hi jayengi..
Monday ki sham 7 baje unka phone aata hai meri aunty ko..wo bahut thanks bolti hai..
Meri aunty ne jab pucha to unhone bataya ki wo aaj subah bade mandir gayi thi aur wahan se jal parshaad le kar aayi thi aur thoda thoda apni bahu ko pilati rahi..us din unki bahu ki biopsy report aani thi..to jo doctors subah tak yeh keh rahe the ki unki bahu ko 100% cancer hi nikelega..prepare ho jao...
Wohi doctors sham ko aa kar kehte hai ki unki bahu ko cancer detect nahi hua..Doctors khud hairaan the ki yeh sab kaise ho gaya..
Jab yeh baat us aunty ne meri aunty ko batayi to mujhe bahut khushi hui maine un se jal parshaad dete rehne ke liya kaha...
Ab guru ji ki kripa aage batata hun..
Meri mother discharge ho gayi hospital se aur us ladki ko bhi discharge kar diya Kyunki usne surgery karwane se mana kar diya tha. .
Uske next week main apni mother ko routine checkup ke liye AIIMS le kar gaya to wahan us ladki ki saari family mere paas aa gayi aur mujhe Thanks bolne lagi..
Mere puchne par unhone bataya ki doctors ne unki bahu ka check up kiya hai aur wo hairaan hai ki jo portion figures ke dead ho chuke the aur un portions ko wo lag kaatne wale the..un portions mein achanak paani aana shuru ho gaya hai...aur doctors ne yeh bhi kaha ki ho sakta hai ab isse kisi bhi surgery ki zarurat na pade..
Yeh baat sun kar maine shukrana kiya guru ji ka ki unhone mere vishwaas ki laaj rakh li..
Maine un sabhi se kaha ki aaj Thursday hai bade mandir jaao aur Guruji ka shukrana karo aur langar parshaad kha kar aao..
Uske baad meri unse koi baat nahi hui...
Sangat ji mid of January mein us aunty ka phone aata hai aur wo batati hai ki wo regularly Guru ji ke bade mandir jaati hai apni bahu ke saath..aur jo fingers ka portion 2 inch tak dead ho gaya tha unki bahu ka..ab sirf ek daal de daane jitna reh gaya hai...wo koi bhi allopathic medicine nahi kar rahe sirf kuch homeopathic medicines de rahe hai. .aur guru ji yahan regular langer parshaad aur jal parshaad le rahe hai...
Sangat ji dil khush ho gaya yeh baat sun kar...muh se Jai Guru ji. .Jai Guruji nikalta hi raha...
Un aunty se bola maine ki Thanks nahi bolo...bas Jai Guru ji bolo...aur agar unhe bhi koi mushkil ghadi mein Dikhe to usko Guru ji ka ghar dikha dena...
Kyunki ek yahi wo ghar hai dunia mein jahan sabki bigadi takdeer banti hai...
Kisi ki aaj banti hai..to kisi ki kal banti hai...
Sangat ji vishwaas rakho Apne guruji par aur surrender kar do khud ko unhe...
Phir dekho wo kaise aapki zindagi khushiyo se bhar denge..
🙏JAI GURU JI🙏
Mohit Gogna